ᖃᕝᕕᕕᒃ
ᐃᓄᐃᑦ ᐃᓚᒌᑦ ᓄᓇᓕᐅᓪᓗ ᖃᓄᐃᖕᖏᓯᐊᕐᓂᓕᕆᔭᐅᕕᖓ
ᐱᐅᓂᕐᓴᒥᒃ ᐱᒍᑦᔨᓂᕐᒧᑦ ᓯᕿᓂᕐᒥᐅᑦ ᐃᓄᐃᑦ ᓄᓇᓕᖓᓂᒃ
WELCOME! ᑐᓐᖓᓱᒋᑦ! BIENVENUE!
ᐊᓕᐊᒻᒪᕆᑉᐳᒍᑦ ᐅᕙᑦᑎᓂᒃ ᓇᕝᕚᕋᑦᓯ ᐅᕙᑦᖅᓂᒃ!
ᖃᕝᕕᕕᒃ ᑐᑭᖃᕐᐳᖅ ᖁᕝᕙᑎᑕᐅᓂᕐᒥᒃ. ᓅᑖᒍᑦᓱᑕ ᖄᖏᕐᓂᑯᓕᐅᕐᑎᐅᒐᑕ ᑎᒥᐅᕗᒍᑦ ᐃᖏᕐᕋᑎᑕᐅᑦᓱᑕ ᐃᓄᓐᓄᕐ ᐃᓄᐃᑦ ᐱᒍᑦᔨᓱᒋᑦ ᑯᐯᓂ ᓯᕿᓂᕐᒥᐅᑦ. ᑐᓂᒪᕗᒍᑦ ᐃᑯᓪᓚᐅᒥᑎᑦᓯᒋᐊᕐᓂᒧᑦ ᐃᓗᓯᕐᓱᓯᐊᕆᐊᖃᕐᓂᖏᓐᓂᒃ ᓯᕿᓂᕐᒥᐅᑦ (ᐃᓄᐃᑦ ᖃᓪᓗᓈᑦ ᓄᓇᖓᓃᑦᑐᑦ) ᐊᑐᐃᓐᓇᖃᕐᑎᓂᐊᕐᓗᒋᑦ ᓇᕝᕚᕈᑦᔨᖃᑦᑕᓗᒋᓪᓗ ᐱᒍᑦᔭᐅᒍᑎᓂᒃ ᐃᓗᕐᕈᓯᕐᒧᐊᖓᔪᓂᒃ, ᐊᑦᑕᓇᖕᖏᑐᓂᒃ ᑲᒪᒋᔭᖃᕐᕕᑕᓗ ᓄᓇᓕᒻᒥᒃ.
ᖃᕝᕕᕕᒃ ᐱᒍᑦᔨᕗᖅ ᓯᕿᓂᕐᒥᐅᓕᒫᓂᒃ ᐃᓚᖏᓐᓂᓗ ᓄᓇᓯᒪᔪᓂᒃ ᑯᐯ ᓯᕿᓂᖓᓂ.
ᒣ 2023-ᒥ ᓅᓚᐅᔪᕗᒍᑦ ᐊᐅᓚᑦᓯᕕᒋᓚᖓᔭᑦᑎᓄᑦ ᐊᓪᓚᕕᒻᒧᑦ Verdun-ᒥ. ᓱᑲᑦᑑᒍᓐᓇᕕᓕᒫᑦᑎᓂᒃ ᐱᓇᓱᐊᖃᑦᑕᓚᖓᕗᒍᑦ ᓄᐃᑦᓯᕙᓪᓕᐊᓂᕐᒧᑦ ᐃᓗᓯᓕᕆᓂᕐᒧᑦ ᐃᓄᓕᕆᓂᕐᒧᓗ ᐱᒍᑦᔭᐅᒍᑎᓂᒃ. ᑕᑯᒐᓱᐊᖃᑦᑕᕆᑦᓯ ᐱᓇᓱᐊᕐᑕᑎᓐᓂᒃ ᐱᒍᑦᔨᒍᑎᑦᑎᓂᓪᓗ ᐊᑐᐃᓐᓇᐅᑎᑕᑦᑎᓂᒃ Facebook-ᑯᓪᓗ ᖃᐅᔨᒪᒐᓱᐊᖃᑦᑕᓗᓯ ᑐᓴᕋᑦᓴᓂᒃ.
ᓄᓇᓕᒻᒧᐊᖓᑦᓱᑕ ᑎᒥᐅᕗᒍᑦ ᑭᐅᒍᓐᓇᓱᑕ ᐃᓄᖁᑎᑦᑎᓂᒃ. ᐃᓄᓐᓂᒃ ᖃᓪᓗᓈᑦ ᓄᓇᖓᓃᑦᑐᓕᒫᓂᒃ ᙯᖁᔨᕗᒍᑦ ᐃᓚᐅᓕᖁᑦᓱᒋᑦ. ᑕᑕᕐᓴᑐᐃᓐᓇᓗᒍ ᑕᒫᓂᑦᑐᖅ ᑕᑕᕐᓴᕆᐊᓕᒃ ᐃᓚᐅᓚᕿᓂᐊᕋᕕᑦ.
ᑭᓇᒃᑰᒪᖔᑦᑕ
ᖃᕝᕕᕕᒃ ᐃᓄᓐᓄᑦ ᐃᓄᓐᓄᓗ ᐃᖏᕐᕋᑎᑕᐅᑦᓱᓂ ᑎᒥᐅᔪᖅ ᒪᓐᑐᔨᐊᓚᑏᑦᓱᓂ.
ᖃᕝᕕᕕᒃ ᓴᐳᑦᔭᐅᓯᒪᔪᖅ ᒪᑭᕝᕕᑯᓐᓄᑦ ᑖᒃᑯᓇᖕᖓᓗ ᑮᓇᐅᔭᕐᑖᓲᒍᑦᓱᓂ. ᐃᓚᐅᕗᒍᑦ ᒪᓐᑐᔨᐊᓚᒥ ᓄᓇᖃᕐᖄᓯᒪᔪᑦ ᐃᓗᓯᕐᓱᓂᕐᒧᑦ ᐊᐅᓚᑦᔭᕆᐊᕈᑎᖃᕐᓯᒪᔪᑦ ᑲᑎᒪᔨᖏᓐᓄᑦ (MIHAC) ᐊᓯᖏᓐᓄᓗ ᐱᒻᒪᕆᐅᑦᓱᑎᒃ ᓄᓇᓕᕐᔪᐊᒥ ᑯᐯᒻᓗ ᓄᓇᖃᕐᖄᓯᒪᔪᑦ ᑎᒥᖁᑎᖏᓐᓂ. ᒫᓐᓇᐅᑎᓪᓗᒍ ᓄᐃᑦᓯᐸᓪᓕᐊᓕᕆᕗᒍ ᐱᓇᓱᖃᑎᒋᓂᐊᕐᑕᑎᓐᓂᒃ ᑮᓇᐅᔭᓂᓪᓗ ᑐᑦᓯᕋᐅᑎᓂᒃ ᐊᒥᓱᒋᐊᓪᓚᓂᒃ ᐱᓇᓱᒍᑎᑦᓴᓂᒃ.
ᖃᕝᕕᕕᒃ ᖃᓂᑦᑕᕆᑦᓱᒋᑦ ᐱᓇᖃᑎᓕᒃ ᐃᓗᓯᓕᕆᔨᖓᓂᒃ ᓚᕚᓪ ᐃᓕᓐᓂᐊᕕᕐᔪᐊᖓᑕ ᒪᑭᓪᓗ ᐃᓕᓐᓂᐊᕕᕐᔪᐊᖓᑕ.
ᖃᓄᐃᓘᓲᒍᒻᒪᖔᑦᑕ
ᑕᒫᓂᑉᐳᒍᑦ ᐃᑲᔪᕆᐊᕐᓯᒪᑦᓱᑕ ᐃᓄᓐᓂᒃ ᓯᕿᓂᕐᒦᑐᓂᒃ ᐊᑐᐃᓐᓇᖃᕐᓂᓴᐅᖁᓗᒋᑦ ᐃᓗᓯᓕᕆᔭᐅᒍᑎᓂᒃ ᐃᓄᓕᕆᔭᐅᒍᑎᓂᓪᓗ. ᑎᓕᔭᐅᒪᐅᑎᖃᕐᐳᒍᑦ ᐊᑐᐃᓐᓇᐅᑎᑦᓯᓚᖓᑦᓱᑕ ᐃᑲᔪᕈᑎᖃᖃᑦᑕᓂᐊᕐᓱᑕᓗ ᐃᓗᓯᓕᕆᔭᐅᓂᕐᒧᑦ ᐱᒍᑦᔭᐅᒍᑎᓂᒃ ᐃᓄᓐᓄᑦ ᑯᐯ ᓯᕿᓂᖓᓃᑦᑐᓄᑦ. ᐱᓇᓱᐊᕈᓯᖃᖃᑦᑕᓂᐊᕐᑐᒍᑦ ᑲᔪᖏᕈᑎᖃᕐᓯᒪᒐᑦᑕ “IQI model” ᓚᔭᐅᔪᒥᒃ ᓄᐃᑕᐅᒪᔪᒥᒃ ᓄᓇᕕᒻᒥ ᐃᓚᒋᔭᐅᑎᓪᓗᒍ ᖃᓄᐃᓕᕐᐱᑖᒥᒃ ᑌᔭᐅᔪᒥᒃ ᐃᓗᓯᓕᕆᓂᕐᒧᑦ ᖃᐅᔨᓴᕐᓂᖃᕐᑎᓗᒍ 2017-ᒥ. ᐃᓗᓯᓕᕆᓂᕐᒥᒃ ᓇᓗᓀᕐᓯᔪᖅ ᐃᓄᐃᑦ ᖃᐅᔨᒪᐅᓯᖏᑦ ᐊᑑᑎᓯᒪᔭᖏᓪᓗ ᑐᖕᖓᕕᒋᑦᓱᒋᑦ. ᑖᓐᓇ ᐱᖓᓱᐃᓕᕿᖓᔪᖅ
ᐃᓗᓯᕐᓱᓯᐊᕐᓂᖅ
ᑎᒥᐅᑉ ᐃᓗᓯᕐᓱᓯᐊᕐᓂᖓ ᐃᓘᓐᓈᒍᑦ. ᑎᒥᐅᑉ ᐃᖏᕐᕋᓯᐊᕐᓂᖓ ᖃᓂᒻᒪᓯᕐᑕᖃᕋᓂ, ᐋᓐᓂᐊᕋᓂ, ᐊᕐᕐᑯᓇᕐᓯᒪᒐᓂ ᖃᓂᒪᖕᖏᓗᓂᓗᓐᓃᑦ, ᑕᒪᓐᓇ ᐃᓄᓐᓂᒃ ᐊᑑᑎᒍᒪᔭᒥᓂᒃ ᐱᕐᕐᑲᔦᕐᑎᓯᓯᒪᓲᒍᒻᒪᑦ.
ᖃᓄᐃᖕᖏᓯᐊᕐᓂᖅ
ᖃᓄᐃᖕᖏᓯᐊᕐᓂᒥᒃ ᐃᑉᐱᓂᐊᕐᓂᖅ ᐃᓚᖃᕐᑎᓗᒍ ᐊᓕᐊᓐᓂᒥᒃ, ᐃᓱᒫᓗᖕᖏᓂᕐᒥᒃ, ᐋᓐᓂᐊᖏᓐᓂᒥᒃ, ᐃᓱᕐᕆᓂᕐᒥᒃ ᐃᑉᐱᓂᐊᕐᓂᑯᓪᓗ ᐃᓱᕐᕆᓯᐊᕐᓂᒥᒃ.
ᐃᓅᖃᑎᒌᑦᓯᐊᓂᖅ
ᐃᓅᓯᒃᑯᑦ ᐃᓗᓯᕐᓱᓯᐊᕐᓂᖅ ᐃᓱᒫᓗᒋᔭᖃᑦᓯᐊᓱᓂ ᐃᓅᖃᑎᖃᕐᓂᒥᒃ ᐃᓚᒥᓂᒃ, ᐃᓚᓐᓈᒥᓂᒃ, ᓄᓇᕐᕐᑲᑎᒥᓂᒃ ᐊᓯᖏᓐᓂᓗ ᐃᓄᓐᓂᒃ ᓄᓇᓕᒥᓂ. ᐱᕙᓪᓕᐊᓚᖓᔪᒍᑦ ᐱᒍᑦᔨᒍᑎᓂᒃ ᑐᕌᖓᔪᓂᒃ ᑖᒃᑯᓄᖓ ᐱᖓᓱᓄᑦ IQI Model-ᒦᑦᑐᓂᒃ
ᖃᓄᖅ ᑲᕝᕕᕕᒃ ᓄᐃᕙᓪᓕᐊᓯᓐᓂᖃ?
ᐃᓗᓯᓕᕆᔭᐅᓂᕐᒧᑦ ᐃᓄᓕᕆᔨᖃᕐᓂᒧᓪᓗ ᑭᖕᖒᒪᓇᕐᓂᖓ ᐃᓄᓐᓄᑦ ᖃᓪᓗᓈᑦ ᓄᓇᖓᓃᑦᑐᓄᑦ ᓄᑖᒍᑦᔭᖏᓪᓚᖅ. ᑐᓴᕐᑎᓯᐅᑎᓕᐊᒍᓯᒪᔪᑦ ᐊᓪᓛᑦ ᐊᕐᕌᒍᓄᑦ ᐊᕙᑎᓄᑦ ᐅᑎᕆᐊᕐᑐᑦ ᑕᒪᑐᒪ ᓱᓕᓂᖓ ᓄᐃᑕᐅᑦᓱᓂ. ᐱᓇᓱᐊᕐᓯᒪᓕᕐᑐᒍᑦ ᓄᐃᑦᓯᒐᓱᐊᕐᓱᑕ ᐃᓄᓐᓄᐊᖓᑐᐃᓐᓇᑐᒥᒃ ᐱᒍᑦᔨᓂᕐᒥᒃ ᐋᓐᓂᐊᓯᐅᕐᕕᒥᓪᓗ 2021 ᒥᓂᑦ.
ᖃᕝᕕᕕᒃ ᑎᒥᖕᖑᑎᑕᐅᓯᒪᔪᖅ ᖄᖏᕐᓂᑯᓕᐅᕐᑎᐅᓂᐊᕐᑎᓇᒍ ᓯᑉᑎᒻᐱᕆ 2022-ᒥ. ᒣ 2023 ᒍᑎᓪᓗᒍ ᐃᓂᑖᓕᓚᐅᔪᔪᒍᑦ Verdun-ᒥ ᒪᓐᑐᔨᐊᒥ ᐊᓪᓚᕕᑦᑖᓱᑕ. ᑲᑎᒪᔨᕗᑦ ᐱᖁᔮᐱᑦᑎᓂᒃ ᐊᓂᒎᑎᑎᑦᓯᓕᓚᐅᔪᑦ ᔫᓂ 2023-ᒥ.
ᓯᕗᓂᖃᕐᑐᒍᑦ ᐱᒋᐊᕈᑎᖃᕐᓗᑕ ᐃᓪᓗᒐᓴᕐᔪᐊᓃᑦᑐᒥᒃ ᓇᐅᓕᒫᓂᒃ ᐅᓯᓲᓄᑦ ᐅᐸᑦᑕᐅᒍᓐᓇᓯᐊᕐᑐᒥ. ᑖᓐᓇ ᐃᓂᒋᓚᖓᔭᕗᑦ ᐱᓇᓱᖃᑎᖃᕋᔭᕐᑐᖅ ᓯᕗᓪᓕᐅᓲᓂᒃ ᐱᒍᑦᔨᔨᓂᒃ ᐊᑐᐃᓐᓇᐅᑎᑕᐅᓲᒥᒃ ᓄᓇᖃᕐᖄᓯᒪᔪᓕᕆᓂᕐᒧᑦ ᐱᓇᓱᐊᕐᑐᓄᑦ ᑯᐯᒻᒥ. Medicins du monde-ᑯᓄᑦ, Chez Doris-ᒧᑦ ᐊᓯᖏᓐᓄᓗ ᑐᖕᖓᓱᑦᑎᓯᖃᑦᑕᒥᑦᓱᑎᓪᓗ ᐃᓚᒌᓂᒃ ᐃᓄᑑᑦᑎᑐᓂᓪᓗ ᓇᓂᑐᐃᓐᓇᖅ ᓄᓇᓕᕐᔪᐊᑉ ᐃᓗᐊᓂ. ᑐᖓᓕᐊᓂ ᐱᓇᓱᐊᕐᑕᐅᓂᖓᑕ. ᐁᑉᐹᓂᒃ ᓇᔪᕋᑦᓴᒥᒃ, ᐃᒻᒪᖄ West Island-ᒥ ᓄᐃᑦᓯᕙᓪᓕᐊᓛᕐᒥᔪᒍᑦ ᐱᓇᓱᐊᖃᑎᖃᕐᓗᑕ ᐊᓯᑦᑎᓂᒃ ᑎᒥᐅᔪᓂᒃ ᐱᒍᑦᔨᖃᑦᑕᓂᐊᕐᑐᓂᒃ ᐃᓄᓐᓂᒃ ᐊᒥᓱᓂᒃ ᑖᕙᓂᒥᐅᖃᕐᒪᑦ. ᑕᒪᒃᑯᐊ ᐱᒍᑦᔨᒍᑏᑦ ᐃᓂᓪᓚᑎᕐᑕᐅᒪᔪᑦ ᐃᓅᓯᕐᒥ ᖃᓄᐃᑦᑐᒦᒍᑕᐅᒍᓐᓇᑐᑦ ᐃᓗᓯᖃᑦᓯᐊᓂᕐᒧᑦ ᐃᑉᐱᒋᑦᓱᒋ. ᑕᒪ,ᓐᓇ ᑐᑭᓕᒃ ᑕᑯᓐᓇᕋᓱᐊᕐᓂᓴᐅᓚᖓᔪᒍᑦ ᐱᐅᓯᐅᒥᑎᑦᓯᒋᐊᕐᓂᒥᒃ ᖃᓄᐃᓕᕈᑕᐅᒍᓐᓇᑐᓂᒃ, ᐆᑦᑐᕋᐅᑎᒋ;ᒋᑦ ᐃᓪᓗᖃᕐᓂᖅ, ᓄᑕᕃᑦ ᑕᑯᔭᐅᑦᑕᓂᖏᑦ, ᖃᓂᒻᒪᓯᕐᑖᑎᑦᓯᑌᓕᓂᖅ, ᐃᓕᓐᓂᐊᑎᑦᓯᓂᖅ ᐃᓚᒌᓂᓪᓗ ᓴᐳᑦᔨᓯᒪᓂᖅ ᐃᓚᖃᕐᒥᑎᓪᓗᒋᑦ ᓯᕗᓪᓕᐅᔨᒋᐊᖃᕐᓂᒧᑦ ᐋᓐᓂᐊᓯᐅᕐᑕᐅᒍᑏᑦ.
ᐸᕐᓇᑕᐅᔪᑦ ᓯᕗᓂᕐᒧᑦ
ᐃᑲᔪᑦᓯᐊᕈᓐᓇᓇᕐᓂᐸᐅᕗᖅ ᐃᓄᓐᓂᒃ ᐃᓗᓯᓕᕆᓂᕐᒧᑦ ᐱᓇᓱᐊᖃᑎᖃᕐᓗᓂ ᐊᓯᖏᓐᓂᒃ ᐃᓄᐃᑦ ᑎᒥᖁᑎᖏᓐᓂᒃ ᐃᓗᓯᓕᕆᓂᕐᒧᓗ ᑎᒥᐅᔪᓂᒃ. ᐃᓄᐃᑦ ᖃᐅᔨᒪᓂᕐᐸᐅᕗᑦ ᓱᓀᑦ ᑭᖕᖒᒪᓇᕐᒪᖔᑕ ᖃᓄᐃᓕᖓᒻᒪᖔᑕᓗ ᐃᓅᖃᑎᖏᑦ. ᐅᑉᐱᕆᔭᖃᓪ’ᕆᑉᐳᒍᑦ ᐱᓇᓱᐊᖃᑎᒌᓐᓂᒥᒃ ᐱᐅᓂᕐᓴᒥᒃ ᑕᑯᒍᒪᒍᑦᑕ. ᑌᒫᒃ “ᖁᕝᕙᑎᑕᐅᒍᓐᓇᐳᒍᑦ” ᑎᒥᖁᑎᑦᑕ ᐊᑎᖓ ᑌᒫᒃ ᑐᑭᖃᕐᒪᑦ.
ᖃᒻᒥᓴᐅᑎᒋᒃᑯᑦ ᑐᕌᒐᖃᕐᐳᒍᑦ ᐃᓄᓐᓂᒃ ᐃᑲᔪᕐᐸᓕᐊᕐᓂᒥᒃ ᖃᓪᓗᓈᓃᑦᑐᓂᒃ ᐃᓗᓯᓕᕆᔭᐅᕕᐅᑉ ᐃᓗᐊᓂ ᓇᒧᖕᖓᕆᐊᖃᕐᓂᖏᓐᓂᒃ ᐃᑲᔪᕈᑎᖃᕐᓗᑕ, ᑐᓵᔨᖃᕐᓂᒧᓪᓗ ᐊᓯᐊᓄᓪᓗ ᐃᓗᓯᓕᕆᔭᐅᕕᒻᒧᑦ ᐁᒋᐊᖃᕐᐸᑕ ᐁᒍᑎᑦᓴᖏᑦ ᐋᕐᕐᑭᖃᑦᑕᓗᒋᑦ. ᑕᒐᑕᒐᐅᑎᓪᓗᒍ ᐸᕐᓀᐳᒍᑦ ᐱᓇᓱᖃᑎᒋᖃᑦᑕᓂᐊᕐᑕᑎᓐᓂ ᐊᑲᐅᓈᕋᓱᐊᕐᑐᓂᒃ ᐃᓗᓯᓕᕆᓂᕐᒧᑦ ᐃᓄᓕᕆᓂᕐᒧᓗ ᑎᒥᐅᔪᓂᒃ ᓯᕗᓂᓕᐅᕈᑎᖃᕐᓱᑕᓗ ᐋᓐᓂᐊᓯᐅᑎᖃᕐᓂᓂᒃ ᐋᓐᓂᐊᓯᐅᕐᑕᐅᕕᓐᓂᓗ ᖃᒻᒥᐅᒍᓐᓇᕕᓕᒫᖓᒍᑦ. ᐱᒋᐊᕐᓂᓯᐊᖓᓃᑦᑐᒍᑦ ᓄᐃᑦᓯᒐᓱᐊᕐᓂᒧᑦ ᓄᐃᑌᓐᓇᓂᐊᕐᑐᒥᒃ ᐋᓐᓂᐊᓯᐅᕐᑕᐅᕕᒻᒥᒃ ᐱᒍᑦᔨᕕᐅᓗᓂᓗ ᐃᓄᓐᓄᑦ ᑯᐯ ᓯᕿᓂᖓᓃᑦᑐᓄᑦ. ᑕᒐᑕᒐᐅᑎᓪᓗᒍ ᕿᓂᕐᑐᒍᑦ ᐃᓂᑦᓴᒥᒃ ᐋᓐᓂᐊᓯᐅᕐᑕᐅᕕᑦᓴᒧᑦ, ᓄᓇᓕᐅᑉ ᐃᓗᓯᓕᕆᔭᐅᓂᖓᓄᑦ (ᑲᐱᔭᐅᓂᕐᒧᑦ, ᓄᑕᕋᕐᓂᒃ ᖃᓄᐃᒻᒪᖔᑕ ᖃᐅᔨᓴᕐᓂᒧᑦ, ᓄᓗᐊᕐᓂᒧᑦ ᐃᓗᓯᕐᓱᓂᕐᒥᒃ ᐃᑲᔪᕈᑎᖃᕐᓂᒧᑦ ᐊᓯᖏᓐᓗ), ᐃᓚᒌᓂᒃ ᓴᐳᑦᔨᓂᕐᒧᑦ, ᐃᓱᒪᒃᑯᑦ ᐃᓗᓯᕐᓱᓂᕐᒧᑦ, ᐅᐃᕆᒪᓇᕐᑐᓄᑦ, ᒪᒥᓴᕐᓂᒧᑦ ᐊᓯᖏᓐᓄᓗ ᐱᒍᑦᔨᐅᑎᓄᑦ.
Get in touch
#203 4468 Rue Wellington, Verdun, QC H4G 1W5, Canada
T: 514-373-4596