top of page


ᐱᒍᑦᔨᐅᑎᓄᑦ

ᖃᕝᕕᕕᒃ ᐱᓇᓱᖃᑎᖃᕐᐳᖅ ᐃᓗᓯᓕᕆᓂᕐᒧᑦ ᐃᓄᓕᕆᓂᕐᒧᓗ ᐱᒍᑦᔨᔨᐅᔪᓂᒃ ᑯᐯᒻᒥ ᐱᒍᑦᔨᒍᑎᑦᓴᓂᒃ ᓄᐃᑎᕆᓂᐊᕐᓱᓂ ᐊᑐᐃᓐᓇᖃᕐᑎᓯᖃᑦᑕᓂᐊᕐᓱᓂᓗ ᐱᒍᑦᔭᐅᒍᑎᓂᒃ ᐃᓄᓐᓄᑦ.  ᐅᑯᐊᑕᒐ ᒫᓐᓇᐅᑎᓪᓗᒍ ᐅᑯᐊᑕᒐ ᐱᒍᑦᔨᒍᑎᒋᖃᑦᑕᑕᕗᑦ, ᐃᓚᒋᐊᖃᑦᑕᓚᖓᔪᑦ ᐱᒍᓐᓇᓯᕙᓪᓕᐊᓂᑦᑎᓄᑦ.

IMG_0050.heic

ᐃᓄᒻᒪᕇᑦ ᓴᐳᑦᔭᐅᓯᒪᓂᖓ

Country food for women in the maternity ward

Our women have always known how best to support each other through pregnancy and birthing. Niqituinnaq (country food) is at the heart of a healthy pregnancy and baby growth. For Siqinirmiut, it can be hard have access to nourishing food from the north that we so need during pregnancy. This program supplies cooked country foods to the Birthing Centre at the MUHC Glen hospital site. There is a refrigerator for Indigenous patients on the ** floor. We also visit with the women and make sure they have what they need for once they go back home from the hospital. 

ᑖᓐᓇ ᐱᒍᑦᔨᓂᖅ ᐃᑲᔪᕐᓯᖃᑦᑕᑐᖅ ᐃᓄᒻᒪᕆᓐᓂᒃ ᑎᒥᖏᑎᒍᑦ, ᖃᓄᐃᖕᖏᓯᐊᕐᓂᒧᑦ, ᐃᓅᓯᕐᒥᒍᓪᓗ ᐃᓗᓯᕐᓱᓯᐊᕆᐊᖃᕐᓂᖏᓐᓄᑦ.  ᐊᑐᐃᓐᓇᐅᑎᑦᓯᕙᑦᑐᒍᑦ ᐃᒐᓯᒪᔪᓂᒃ ᓂᕿᑐᐃᓐᓇᓂᒃ, ᐊᓂᕐᕋᐅᑦ ᐃᓗᐊᓂ ᐃᑲᔪᕐᓯᒪᔭᐅᓂᕐᒥᒃ ᐱᒐᓱᐊᒻᒪᕆᒋᐊᖃᖕᖏᑐᓂᒃ, ᐋᓐᓂᐊᓯᐅᑎᓄᑦ ᑕᑯᔭᐅᒋᐊᖃᓕᕐᒪᑕ ᐃᑲᔪᕐᓱᒋᑦ, ᓇᒧᖕᖓᓕᐊᕆᐊᒧᑦ ᐳᓛᕆᐊᕐᓂᒧᓪᓗ ᐃᑲᔪᕐᓯᒪᑦᓱᒋᑦ.  ᐱᒍᓐᓇᓂᓕᒫᑦᑎᒍᑦ ᐱᓇᓱᐊᖃᑦᑕᓚᖓᔪᒍᑦ.  ᐃᓕᑦᓯᒋᐊᓪᓚᕈᒪᕖᑦ ᐅᖄᖃᑎᖃᕈᒪᕕᓪᓗᓃᑦ ᓇᐅᑐᐃᓐᓇᒥᒃ ᖃᓄᖅ ᐃᓚᐅᓕᕈᓐᓇᒪᖔᕐᐱᑦ?  ᓯᕙᓂᕈᓐᓇᐳᑎᑦ ᐅᖃᐅᓯᑦᓴᓃᕕᓪᓗᓃᑦ ᕿᒣᓗᑎᑦ.

ᓂᕿᑐᐃᓐᓇᖃᕐᑎᓯᑦᓱᑕ ᐃᑲᔪᕐᓯᒪᑦᓱᑕᓗ ᐊᕐᓇᓂᒃ ᐋᓐᓂᐊᕕᒻᒥ ᓄᑕᕋᕐᑖᕕᒻᒦᑐᓂᒃ.

ᐊᕐᓀᑦ ᑌᒪᖕᖓᓂᐊᓗᒃ ᖃᐅᔨᒪᓯᒪᕗᑦ ᖃᓄᖅ ᐃᑲᔪᕐᑎᒌᓪᓗᓂ ᐱᐅᓂᕐᐸᐅᒪᖔᑦ ᓄᑕᕋᑦᓴᖃᕐᑐᖃᕐᑎᓗᒍ ᐃᓅᓕᔨᐊᖃᕋᓱᐊᕐᑐᖃᕐᑎᓗᒍᓗ.  ᓂᕿᑐᐃᓐᓇᖅ ᖃᓄᐃᒍᓐᓀᓗᓂ ᐱᐊᕋᑦᓴᖃᕐᓂᐅᑉ ᐆᒻᒪᑎᖓᓃᑉᐳᖅ ᐱᐊᕋᐅᓪᓗ ᐱᕈᕐᐸᓕᐊᑦᓯᐊᓂᖓᓂ.  ᓯᕿᓂᕐᒥᐅᓄᑦ, ᐱᔭᕐᓃᑑᒍᓐᓇᐳᖅ ᓂᕿᑦᓯᐊᓂᒃ ᐱᑖᕋᓱᐊᕆᐊᒥᒃ ᐃᓄᐃᑦ ᓄᓇᖓᓂᑦ ᑕᒪᓐᓇ ᐱᐊᕋᑦᓴᓕᓐᓄᑦ ᑭᖕᖒᒪᓇᕐᑐᒪᕆᐅᑎᓪᓗᒍ. ᑖᓐᓇ ᓄᐃᑕᐅᓯᒪᔪᖅ ᓂᕿᑐᐃᓐᓇᖃᕐᑎᓯᓲᖅ ᐃᒐᓯᒪᔪᓂᒃ ᐱᐊᕋᕐᑖᕕᒻᒥᒃ ᐋᓐᓂᐊᕕᐊᓗᒻᒥ.  ᓂᓪᓕᒪᔪᖃᐅᑎᑕᓕᒃ ᓄᓇᖃᕐᖄᓯᒪᔪᒧᐊᖓᔪᒥᒃ ᑌᑲᓂ ᓇᑎᕐᒥ.  ᑕᑯᓂᐊᓲᒍᒋᕗᒍᑦ ᐊᕐᓇᓂᒃ ᑭᖕᖒᒪᒋᔭᒥᓂᒃ ᐊᔪᕐᓴᖁᓇᒋᑦ ᐊᓂᕐᕋᕋᓱᐊᓯᒍᑎᒃ ᐋᓐᓂᐊᕕᒻᒦᑐᕕᓂᐅᓗᑎᒃ.  ᖃᐅᔨᒋᐊᓪᓚᕈᒪᕖᑦ?  ᓯᕙᓂᕈᓐᓇᐳᑎᑦ ᐅᖃᕈᒪᔭᕐᓃᕕᓪᓗᓃᑦ ᕿᒣᓗᑎᑦ.

Niqituinnaq1_edited.jpg
20190531_121957_edited.jpg

ᐃᑲᔪᕐᓯᒪᓲᒍᒻᒥᔪᒍᑦ ᑳᓐᓱᖃᕐᓱᑎᒃ ᒪᒥᓴᕐᑕᐅᔪᓂᒃ ᒪᒥᑉᐸᓕᐊᓕᕐᑐᓂᓪᓗ.

ᐊᒥᓱᑦ ᐃᓄᐃᑦ ᓄᓇᓕᑦᑎᓂ ᑳᓐᓱᒥᒃ ᐋᓐᓂᐊᒥᒃ ᐊᑑᑎᓯᒪᔪᑦ.  ᑕᒪᓐᓇ ᐊᕐᓱᕈᓐᓇᑐᖅ, ᑲᑉᐱᐊᓇᕐᑐᖅ, ᑎᒥᒃᑯᓗ ᐃᓱᒪᒃᑯᓗ ᐊᕐᓱᕈᓐᓇᓱᓂ.  ᐱᓇᓱᐊᖃᑎᖃᕐᓱᑕ West Island Cancer and Wellness Centre-ᒥᒃ ᐊᐅᓚᑦᓯᓲᒍᕗᒍᑦ ᐃᑲᔪᕐᓯᒪᑦᓱᑕᓗ ᐃᑲᔪᕐᓯᒪᔭᐅᒍᑎᑦᓴᓂᒃ ᑳᓐᓱᒧᑦ ᒪᒥᓴᕐᑕᐅᔪᓂᒃ ᐊᕐᕌᒍᓕᒫᕐᓗ ᑎᑭᑦᓱᒍ ᒪᒥᓴᕐᑕᐅᔪᕕᓂᕐᓂᒃ.  ᑖᓐᓇ ᐱᒍᑦᔨᕕᒃ ᐊᑦᔨᒌᑦᔭᖏᑦᑐᓂᒃ ᐃᑲᔪᕐᑐᓂᕐᒧᑦ ᒪᒥᓴᕐᑎᓯᓃᑦ, ᐃᓕᓐᓂᐊᑎᑦᓯᓂᖅ, ᓂᕿᑦᓯᐊᑑᒪᓂᖅ, ᑕᑯᒥᓇᕐᑐᓕᕆᓂᖅ ᑎᒥᒃᑯᓗ ᐱᒋᐅᕐᓴᑎᑕᐅᓂᕐᒥᒃ ᐃᓕᓐᓂᐊᓂᖅ ᓄᐃᑕᐅᒪᔪᓪᓗ ᓱᓇᑐᐃᓐᓀᑦ.  ᖃᕝᕕᕕᒃ ᐱᓇᓱᐊᖃᑎᓕᒃ ᑖᑦᓱᒥᖓ ᐱᒍᑦᔨᕕᒻᒧ ᑳᓐᓱᖃᕐᓯᒪᔪᓄᑦ ᐃᓄᓐᓄᐊᖓᓂᕐᓴᐅᑎᒐᓱᐊᕐᓱᒋᑦ.  ᖃᒻᒥᑯᑦ ᓂᕆᐅᑦᑐᒍᑦ ᑐᓵᔨᖃᕐᑎᓯᒐᔭᕆᐊᒥᒃ ᓄᓇᓕᒻᒥᐅᓂᒃ.  ᓯᕙᓂᕈᓐᓇᑐᓯ ᐅᖃᐅᓯᑦᓴᓯᓂᓪᓗᓃᑦ ᕿᒣᓗᓯ.

ᓄᐃᑲᐱᓛᓕᕐᒥᔪᑦ

ᐱᒋᐊᕐᐸᓕᐊᓕᑌᓐᓇᕋᑦᑌ!  ᐅᖄᓛᕐᑐᒍᑦ ᓄᑖᓂᒃ ᐱᒍᑦᔨᒍᑎᑦᓴᓂᒃ ᖃᒻᒥᑯᑦ, ᐃᓚᖃᕐᑎᓗᒋᑦ ᐃᓗᓯᓕᕆᓂᕐᒧᑦ ᐱᒍᑦᔨᓂᖅ ᖃᓄᐃᓕᖓᒻᒪᖔᑦ ᑐᑭᓯᒪᑎᑦᓯᓂᖅ ᐱᒍᑦᔨᓂᕐᒧᓗ ᓄᑖᓂᒃ ᐱᓇᓱᖃᑎᖃᖃᑦᑕᓂᐊᕐᓱᑕ ᐊᑦᔨᒌᖕᖏᑐᓂᒃ.  ᐊᐱᕐᓲᑎᑦᓴᖃᕐᐲᑦ ᐃᓱᒪᒋᔭᕐᓃᕕᓪᓘᓃᑦ ᐁᑦᑐᐃᒍᒪᕕᑦ?  ᐅᕙᑦᑎᓄᑦ ᐅᖃᖃᑦᑕᕆᑦ!

bottom of page