top of page

ᖃᓄᖅ ᑲᕝᕕᕕᒃ ᓄᐃᕙᓪᓕᐊᓯᓐᓂᖃ?

ᐃᓗᓯᓕᕆᔭᐅᓂᕐᒧᑦ ᐃᓄᓕᕆᔨᖃᕐᓂᒧᓪᓗ ᑭᖕᖒᒪᓇᕐᓂᖓ ᐃᓄᓐᓄᑦ ᖃᓪᓗᓈᑦ ᓄᓇᖓᓃᑦᑐᓄᑦ ᓄᑖᒍᑦᔭᖏᓪᓚᖅ.  ᑐᓴᕐᑎᓯᐅᑎᓕᐊᒍᓯᒪᔪᑦ ᐊᓪᓛᑦ ᐊᕐᕌᒍᓄᑦ ᐊᕙᑎᓄᑦ ᐅᑎᕆᐊᕐᑐᑦ ᑕᒪᑐᒪ ᓱᓕᓂᖓ ᓄᐃᑕᐅᑦᓱᓂ.  ᐱᓇᓱᐊᕐᓯᒪᓕᕐᑐᒍᑦ ᓄᐃᑦᓯᒐᓱᐊᕐᓱᑕ ᐃᓄᓐᓄᐊᖓᑐᐃᓐᓇᑐᒥᒃ ᐱᒍᑦᔨᓂᕐᒥᒃ ᐋᓐᓂᐊᓯᐅᕐᕕᒥᓪᓗ 2021 ᒥᓂᑦ.

 

ᖃᕝᕕᕕᒃ ᑎᒥᖕᖑᑎᑕᐅᓯᒪᔪᖅ ᖄᖏᕐᓂᑯᓕᐅᕐᑎᐅᓂᐊᕐᑎᓇᒍ ᓯᑉᑎᒻᐱᕆ 2022-ᒥ.  ᒣ 2023 ᒍᑎᓪᓗᒍ ᐃᓂᑖᓕᓚᐅᔪᔪᒍᑦ Verdun-ᒥ ᒪᓐᑐᔨᐊᒥ ᐊᓪᓚᕕᑦᑖᓱᑕ. ᑲᑎᒪᔨᕗᑦ ᐱᖁᔮᐱᑦᑎᓂᒃ ᐊᓂᒎᑎᑎᑦᓯᓕᓚᐅᔪᑦ ᔫᓂ 2023-ᒥ. 

 

ᓯᕗᓂᖃᕐᑐᒍᑦ ᐱᒋᐊᕈᑎᖃᕐᓗᑕ ᐃᓪᓗᒐᓴᕐᔪᐊᓃᑦᑐᒥᒃ ᓇᐅᓕᒫᓂᒃ ᐅᓯᓲᓄᑦ ᐅᐸᑦᑕᐅᒍᓐᓇᓯᐊᕐᑐᒥ.  ᑖᓐᓇ ᐃᓂᒋᓚᖓᔭᕗᑦ ᐱᓇᓱᖃᑎᖃᕋᔭᕐᑐᖅ ᓯᕗᓪᓕᐅᓲᓂᒃ ᐱᒍᑦᔨᔨᓂᒃ ᐊᑐᐃᓐᓇᐅᑎᑕᐅᓲᒥᒃ ᓄᓇᖃᕐᖄᓯᒪᔪᓕᕆᓂᕐᒧᑦ ᐱᓇᓱᐊᕐᑐᓄᑦ ᑯᐯᒻᒥ. Medicins du monde-ᑯᓄᑦ, Chez Doris-ᒧᑦ ᐊᓯᖏᓐᓄᓗ ᑐᖕᖓᓱᑦᑎᓯᖃᑦᑕᒥᑦᓱᑎᓪᓗ ᐃᓚᒌᓂᒃ ᐃᓄᑑᑦᑎᑐᓂᓪᓗ ᓇᓂᑐᐃᓐᓇᖅ ᓄᓇᓕᕐᔪᐊᑉ ᐃᓗᐊᓂ.  ᑐᖓᓕᐊᓂ ᐱᓇᓱᐊᕐᑕᐅᓂᖓᑕ. ᐁᑉᐹᓂᒃ ᓇᔪᕋᑦᓴᒥᒃ, ᐃᒻᒪᖄ West Island-ᒥ ᓄᐃᑦᓯᕙᓪᓕᐊᓛᕐᒥᔪᒍᑦ ᐱᓇᓱᐊᖃᑎᖃᕐᓗᑕ ᐊᓯᑦᑎᓂᒃ ᑎᒥᐅᔪᓂᒃ ᐱᒍᑦᔨᖃᑦᑕᓂᐊᕐᑐᓂᒃ ᐃᓄᓐᓂᒃ ᐊᒥᓱᓂᒃ ᑖᕙᓂᒥᐅᖃᕐᒪᑦ.  ᑕᒪᒃᑯᐊ ᐱᒍᑦᔨᒍᑏᑦ ᐃᓂᓪᓚᑎᕐᑕᐅᒪᔪᑦ ᐃᓅᓯᕐᒥ ᖃᓄᐃᑦᑐᒦᒍᑕᐅᒍᓐᓇᑐᑦ ᐃᓗᓯᖃᑦᓯᐊᓂᕐᒧᑦ ᐃᑉᐱᒋᑦᓱᒋ.  ᑕᒪ,ᓐᓇ ᑐᑭᓕᒃ ᑕᑯᓐᓇᕋᓱᐊᕐᓂᓴᐅᓚᖓᔪᒍᑦ ᐱᐅᓯᐅᒥᑎᑦᓯᒋᐊᕐᓂᒥᒃ ᖃᓄᐃᓕᕈᑕᐅᒍᓐᓇᑐᓂᒃ, ᐆᑦᑐᕋᐅᑎᒋ;ᒋᑦ ᐃᓪᓗᖃᕐᓂᖅ, ᓄᑕᕃᑦ ᑕᑯᔭᐅᑦᑕᓂᖏᑦ, ᖃᓂᒻᒪᓯᕐᑖᑎᑦᓯᑌᓕᓂᖅ, ᐃᓕᓐᓂᐊᑎᑦᓯᓂᖅ ᐃᓚᒌᓂᓪᓗ ᓴᐳᑦᔨᓯᒪᓂᖅ ᐃᓚᖃᕐᒥᑎᓪᓗᒋᑦ ᓯᕗᓪᓕᐅᔨᒋᐊᖃᕐᓂᒧᑦ ᐋᓐᓂᐊᓯᐅᕐᑕᐅᒍᑏᑦ.

ᖃᕝᕕᕕᒻᒥ ᐱᓇᓱᖃᑎᒌᑦ

ᑲᑎᒪᔨᕗᑦ

ᑲᑎᒪᔩᑦ ᑐᓂᒪᕗᑦ ᐃᑲᔪᕐᓯᒪᓂᕐᒧᑦ ᓯᕿᓂᕐᒥᐅᑦ ᑎᑭᐅᑎᒍᓐᓇᖁᓗᒋᑦ ᑐᕌᒐᓱᐊᕐᑕᒥᓄᑦ ᐃᓗᓯᓕᕆᓂᕐᒥ ᖃᓄᐃᖕᖏᓯᐊᕐᓂᒥᓪᓗ.  ᐱᒐᓱᐊᓕᓂᒻᒪᕇᑦ ᑲᕙᒪᓕᕆᓂᕐᒥ. ᖃᑭᒪᒐᓱᐊᕐᓂᒥ, ᐃᓕᓐᓂᐊᓂᕐᒥ, ᐱᒍᑦᔨᓂᕐᒥ ᓄᓇᓕᐅᓪᓗ ᑎᒥᐅᔪᖁᑎᖏᓐᓂ.

ᐊᖓᔪᕐᖄᖅ, ᕇᑦᓴ ᐸᑦᔭᓪ

ᐊᖓᔪᕐᖄᑉ ᑐᖓᓕᐊ, ᔪᐃ ᐹᑦᑐᔨ

ᑮᓇᐅᔭᓕᕆᔨ, ᓖᓴ ᖁᐱᕐᕈᐊᓗᒃ

ᓄᓇᓕᒻᒥ ᐃᓚᐅᔪᖅ, ᐅᔩᑕ ᓄᕙᓕᖓᖅ

ᓄᓇᓕᒻᒥ ᐃᓚᐅᔪᖅ, ᓇᑖᓴ ᒥᒃᑖᓄᓪ

ᓄᓇᓕᒻᒥ ᐃᓚᐅᔪᖅ, ᐋᓂ ᐹᕋᓐ

ᐅᕕᒐᕐᑑᓱᓂ ᐃᓚᐅᔪᖅ, ᓲᒋ ᑰᕈᓂᓐᐳᖅ

 

ᑲᑎᒪᔩᑦ ᑎᓕᔨᓯᒪᔪᑦ ᑳᕈᓕᓐ ᓯᑑᓐᒦᒃ Christopher Fletcher-ᒥᓪᓗ ᓯᕗᓕᕐᓂᐊᑎᓪᓗᒋᑦ ᑲᕝᕕᕕᐅᑉ ᐱᕙᓪᓕᐊᔭᐅᓂᖓᓂᒃ.  ᑳᕈᓕᓐ ᐃᓅᑦᓱᓂ ᐃᓄᒃᔪᐊᒥᐅᔭᖅ ᐅᑭᐅᓂ ᐊᒥᓱᓂ ᑲᒪᔨᒻᒪᕆᐅᓕᓂᐅᑦᓱᓂ ᐃᓄᐃᑦ ᑎᒥᖁᑎᖏᓐᓂ ᑯᐯ ᓯᕿᓂᖓᓂ.  Christopher ᐃᓕᓐᓂᐊᑎᑦᓯᔨ ᓚᕚᓪ ᐃᓕᓐᓂᐊᕕᕐᔪᐊᖓᑕ ᐃᓄᓕᕆᓂᕐᒧᑦ ᓯᕗᕐᖐᓯᒪᒐᓱᐊᕐᓂᒧᓪᓗ ᖃᓄᐃᒍᑕᐅᒐᔭᕐᑐᓂᒃ ᐃᓕᓐᓂᐊᑎᑦᓯᕕᖁᑎᖓᓂ ᐊᑯᓂᐊᓗᓪᓗ ᖃᐅᔨᒪᔮᒍᑦᓱᓂ ᐃᓄᓐᓄᑦ.

 

ᖃᐅᔨᒋᐊᕐᕕᐅᒍᓐᓇᑐᑦ:

Carolyn Stone, ᖃᕝᕕᕕᒻᒥ ᓯᕗᓕᖃᑎᐅᔪᖅ carolynstoneqavvivik@gmail.com

Christopher Fletcher, ᖃᕝᕕᕕᒻᒥ ᓯᕗᓕᖃᑎᐅᔪᖅ cfletcherqavvivik@gmail.com

bottom of page